№1-қосымша

Қабылдаушы тараптың еңбек қауіпсіздігі және еңбекті қорғау саласындағы міндеттері

Қазақстан Республикасының орнықты дамуының негізгі мақсаттарының ішінде денсаулықты қорғауға және өндірістегі еңбек қауіпсіздігін қамтамасыз етудегі бақылауды күшейтуге ерекше назар аударылады.

ҚР Еңбек кодексінің 182-1-бабы қызметкерлердің құқықтары мен мүдделерінің сақталуын, сондай-ақ олардың еңбек қызметіне байланысты тәуекелдердің алдын алуды қамтамасыз ете отырып, қабылдаушы және жіберуші тараптар арасындағы еңбек қауіпсіздігі және еңбекті қорғау саласындағы қатынастарды реттейді.

ҚР Еңбек кодексінің 1-бабы 1-тармағы 52-1) тармақшасына сәйкес қабылдаушы тарап - персоналды ұсыну жөніндегі қызметтер көрсетуге арналған шартқа сәйкес жіберуші тараптың қызметкерлерін жұмысқа тартатын жеке немесе заңды тұлға, жеке кәсіпкер, оның ішінде шаруа немесе фермер қожалығы.

Еңбек заңнамасы нормаларының талаптарына сәйкес қабылдаушы тараптың еңбек қауіпсіздігі және еңбекті қорғау саласындағы міндеттері, оның арасында персоналды ұсыну бойынша қызметтер көрсетуге шарт жасасу кезінде жіберуші тараптың еңбек жағдайлары бойынша өндірістік объектілерді аттестаттау нәтижелерін ұсыну белгіленген. Өндірістік нысандарды еңбек жағдайлары бойынша аттестаттау нәтижелері ұсынылмаған жағдайда қабылдаушы тарап жіберуші тарапқа персоналды ұсыну бойынша қызметтер көрсетуге шарт жасасуға тыйым салынады.

Сондай-ақ, жіберуші Тараптың жұмыскерлері үшін жұмыс орындарында тәуекелдерді болдырмау ; жіберуші Тараптың жұмыскерлеріне еңбек қауіпсіздігі және еңбекті қорғау мәселелері бойынша нұсқама жүргізу; жіберуші тараптың жұмыскерлері үшін санитарлық-гигиеналық жағдайлар жасау; 18 жасқа толмаған жұмыскерлер үшін ауыр заттарды тасымалдау және жылжыту жөніндегі шекті нормаларды сақтау; көтерудің шекті нормаларын сақтау және әйелдер үшін ауыр заттарды ауыстыру; апаттар мен травматикалық факторлардың алдын алу бойынша шұғыл шаралар қабылдау; жіберуші тарап қызметкерлерінің жазатайым оқиғалары мен кәсіптік ауруларын талдау; жіберуші тараппен бірлесіп, қызметкерлердің еңбек қызметіне байланысты жазатайым оқиғаларды тергеп-тексеру; заңнамада көзделген жағдайларда жіберуші тарап қызметкерлерін жұмыстан шеттету жөнінде шаралар қабылдау бойынша міндеттер белгіленді.

Бұл ретте, жіберуші тарап ҚР Еңбек кодексінің 137-1-бабына сәйкес персонал ұсыну бойынша қызметтер көрсету жөніндегі қызметті жүзеге асыру тәртібін сақтауы тиіс.

Еңбек заңнамасының осы талаптарын орындамау салдарынан жазатайым оқиға болуы мүмкін. Өндірістегі жазатайым оқиғалардың себептерін талдау негізгі себептер ұйымдық себептер екенін көрсетеді, олар толығымен кәсіпорындағы еңбекті ұйымдастыру деңгейіне байланысты болады.

Еңбек қатынастары, еңбек қауіпсіздігі және еңбекті қорғау саласындағы қолданыстағы заңнаманың нормаларын түсіндіру мәселелері бойынша Сіз Петропавл қаласы, Абай көшесі, 64, "СҚО әкімдігінің мемлекеттік еңбек инспекциясы басқармасы"КММ мекенжайына жүгіне аласыз. Байланыс телефондары 46-01-94,36-17-86,46-37-73, 50-33-42. Басқарманың inf. git@sqo.gov.kz ресми интернет-ресурсы жұмыс істейді.

Г.М.Мырзақанова
«СҚО әкімдігінің мемлекеттік еңбек инспекциясы басқармасы» КММ
мемлекеттік еңбек инспекторы